सुर्नया ८ मा खुल्ला भलिबल प्रतियोगिता हुँदै,प्रथम पुरस्कार १० हजार रुपैयाँ

बैतडी । बैतडीको सुर्नया गाउँपालिका–८, डोलेस्थित श्री भूमिराज माध्यमिक विद्यालयको खेलमैदानमा वडा दशैको अवसरमा ‘सुर्नया०८ ढोलेमा खुल्ला भलिबल प्रतियोगिता’ आयोजना हुने भएको छ।

Gen-Z युवाहरूको आयोजनामा सञ्चालन हुने प्रतियोगितामा प्रथम हुने टिमले १० हजार रुपैयाँ, मेडल र प्रमाणपत्र प्राप्त गर्नेछ। त्यस्तै, द्वितीय हुने टिमले ७ हजार रुपैयाँ र तृतीय हुने टिमले ५ हजार रुपैयाँसहित मेडल र प्रमाणपत्र प्राप्त गर्ने आयोजकले जनाएको छ।

प्रतियोगितामा सहभागी हुन टिम दर्ता शुल्क २ हजार ५ सय रुपैयाँ तोकिएको छ। टिम दर्ताको अन्तिम मिति कात्तिक ४ गते साँझ ४ बजेसम्म रहेको छ भने प्रतियोगिता कात्तिक ४ देखि ७ गतेसम्म सञ्चालन हुने खेलाडी तथा आयोजक टिमका पदाधिकारी अनिल लुहारले बताउनु भयो।

प्रतियोगितामा सुर्नया गाउँपालिकाभित्रका खेलाडीले मात्र सहभागिता जनाउन पाउने आयोजकले जनाएको छ। क्षेत्रीय तथा राष्ट्रियस्तरका प्रतियोगितामा सहभागी खेलाडीले भने यस प्रतियोगितामा खेल्न पाउने छैनन्।

प्रतियोगिता श्री भूमिराज माध्यमिक विद्यालयको खेलमैदान, सुर्नया गाउँपालिका–८, ढोलेमा सञ्चालन हुनेछ। थप जानकारी तथा टिम दर्ताका लागि ९७४४७३८७०७ र ९८६०१४३१७३ मा सम्पर्क गर्न सकिने आयोजकले जनाएको छ।

खेल खेलौँ, एकता बढाऔँ, खेलकुदमार्फत गाउँको पहिचान बनाऔँ’ भन्ने नारासहित आयोजना हुन लागेको प्रतियोगिताले स्थानीय खेलकुदको विकास र युवाबीच आपसी एकता बढाउन सहयोग पुग्ने अपेक्षा गरिएको छ।
खबरथली डटकम