बैतडी :बैतडीको डिलासैनी गाउँपालिका वडा नम्बर ३ को सरकारी नम्बर प्लेट भएको मोटरसाइकल डिलासैनी गाउँपालिका वडा नम्बर ३ स्थित झरना बजारबाट चोरी भएको छ।
से १ ब ५६४ नम्बरको सरकारी मोटरसाइकल हिजो साँझ करिब साढे ५ बजे झरना बजारमा दैनिकजसो राख्ने स्थानमा पार्किङ गरिएको थियो। तर, साँझ पार्किङ गरेको स्थानबाटै मोटरसाइकल गाएभ भएको वडा अध्यक्ष रघुबिर बोहरा ले बताउनु भयो।
मोटरसाइकल चोरी भएपछि वडा अध्यक्ष बोहराले सूचना जारी गर्दै मोटरसाइकल खोजीका लागि सबैसँग सहयोगको अपिल गरेका छन्।
उक्त मोटरसाइकल कतै देखेमा वा फेला पारेमा ९८४९४०५२६८ नम्बरमा अथवा नजिकको प्रहरी कार्यालयमा जानकारी गराइदिन अनुरोध समेत गरेका छन।
पाठक प्रतिक्रिया ०