गोदावरीका मेयरलाई एक हजार जरिवाना मापसे गरेर गाडी चलाउँदा दुर्घटना भएपछि

कैलाली –कैलालीको गोदावरी नगरपालिकाका मेयर वीरेन्द्र भट्ट मादक पदार्थ सेवन (मापसे) गरेर गाडी चलाउँदा दुर्घटनामा परेका छन् ।
शनिबार राति मोहनापुल–अत्तरिया ६ लेन सडकखण्डको गेटा क्षेत्रमा उनले चलाएको सुपप्र ०१००१ झ ६०१ नम्बरको गाडी अनियन्त्रित भएर सडक छेउको रेलिङमा ठोक्किएको हो । दुर्घटनापछि गरिएको परीक्षणमा मेयर भट्टले मदिरा सेवन गरेको खुलेपछि प्रहरीले कारबाही गरेको छ ।
ट्राफिक प्रहरी कार्यालय कैलालीले मापसे गरेको आरोपमा पाँच सय रुपैयाँ र लापरबाहीपूर्वक सवारी चलाएको भन्दै थप पाँच सय रुपैयाँ जरिवाना तिराएको जनाएको छ ।
प्रदेश ट्राफिक प्रहरी कार्यालयका प्रमुख एसपी प्रेम शाहीका अनुसार