मोटरसाइकल दुर्घटना हुँदा घाइते भएका भरतको मृत्यु

बैतडी: कैलालीको अत्तरियामा मोटरसाइकल दुर्घटना हुँदा घाइते भएका भरत भाटको मृत्यु भएको छ।जिल्लाको गोदावरी नगरपालिका–१ धनगढी रोडमा सुदूरपश्चिम प्रदेश ०१००८ प ८९९७ नम्बरको मोटरसाइकल आफै अनियन्त्रित भएर दुर्घटना भएको थियो। उक्त दुर्घटनामा परेर मोटरसाइकल चालक दशरथचन्द न पा वडा नं.१ श्रीखण्ड, बैतडी (हाल कृष्णपुर न.पा. वडा नं.१ कञ्चनपुर ) का ४० वर्षीय भरत भाट र पछाडि सवार रहेकी १७ वर्षीया छोरी अनिसा भाट घाइते भएका थिए।चालक भरतको टाउको र हातखुुट्टामा चोट लागेको थियो। उनको उपचारको क्रममा गएराति ११ः५ बजे माया मेट्रो अस्पताल धनगढीमा मृत्यु भएको प्रहरीले जनाएको छ। यस्तै अनिसाको हात र खुट्टामा चोट लागेको र उनको पनि उपचार भइरहेको जिल्ला प्रहरी कार्यालय कैलालीले जनाएको छ।