बैतडीमा मनसुनजन्य विपद्को जोखिम, २७ गतेसम्म उच्च सतर्कता अपनाउन आग्रह

असार २५ बैतडी : जल तथा मौसम विज्ञान विभागले आजदेखि २७ गतेसम्म बैतडी जिल्लालाई मनसुनजन्य विपद्को जोखिम रहेका जिल्लामध्ये समावेश गरेको छ।

विभागका अनुसार यस अवधिमा लगातार वर्षा भई बाढी, पहिरो, भूक्षय तथा नदी–खोलामा पानीको सतह बढ्न सक्ने सम्भावना रहेको छ। यसलाई मध्यनजर गर्दै जिल्ला प्रशासन कार्यालय बैतडीले सर्वसाधारणलाई उच्च सतर्कता अपनाउन आग्रह गरेको छ।

जोखिमयुक्त क्षेत्र, नदी किनार तथा पहिरो जान सक्ने स्थानमा अनावश्यक आवतजावत नगर्न, अत्यावश्यक कामबाहेक यात्रा नगर्न तथा सम्बन्धित निकायबाट जारी हुने सूचना र निर्देशनको पालना गर्न सबैमा अनुरोध गरिएको छ।

सम्भावित विपद्ब हुन सक्ने जनधनको क्षति न्यूनीकरणका लागि सबै नागरिक सचेत र सतर्क रहन जिल्ला प्रशासन कार्यालय बैतडीले आग्रह समेत गरेको छ।