बैतडीको सिगासमा भैँसीले एकै बेतमा जुम्ल्याहा पाडो र पाडी जन्मायो

बैतडी। बैतडीको सिगास गाउँपालिका–१, गवाडीखोलाका किसान दान सिंह बोहराको भैँसीले एकै बेतमा जुम्ल्याहा (एक पाडो र एक पाडी) जन्माएको छ।

ग्रामीण क्षेत्रमा यस्तो घटना विरलै हुने भएकाले स्थानीयले यसलाई चासोका साथ हेरेका छन्।

दान सिंह बोहरा विगत ८–१० वर्षदेखि व्यावसायिक रूपमा कृषि तथा पशुपालन व्यवसाय सञ्चालन गर्दै आउनुभएका एक मेहनती तथा सफल किसान हुनुहुन्छ। उहाँले सञ्चालन गरेको कृषि तथा पशुपालन फर्म स्थानीयस्तरमा उदाहरणीय मानिन्छ।

स्थानीयवासीका अनुसार जुम्ल्याहा बाछाबाछीको जन्मले किसान बोहराको खुसी अझ बढाएको छ।