बैतडी । देशका विभिन्न स्थानमा भारी वर्षा, हावाहुरी तथा चट्याङको सम्भावना रहेको भन्दै सुर्नया गाउँपालिकाले गाउँपालिकाभित्र सञ्चालित सामुदायिक तथा संस्थागत विद्यालयमा असोज ९ गते शुक्रबार बिदा दिने निर्णय गरेको छ।
सुर्नया गाउँपालिकाको गाउँ कार्यपालिकाको कार्यालय, रौलेश्वर–बैतडीले २०८३ असोज ८ गते जारी गरेको सूचनामा जल तथा मौसम विज्ञान विभाग तथा राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट प्राप्त जानकारीका आधारमा विद्यालय बिदा गरिएको गाउपालिका अध्यक्ष अम्मरबहादुर कुवँर ले बताउनु भयो।
गाउँपालिकाले सम्भावित वर्षा, हावाहुरी तथा चट्याङबाट हुनसक्ने जोखिमलाई मध्यनजर गर्दै विद्यालयमा बिदा दिने निर्णय गरेको हो। साथै, बर्खाको समयमा अनावश्यक रूपमा घरबाहिर ननिस्कन तथा सम्भावित जोखिमबाट सुरक्षित रहन विद्यार्थी, शिक्षक र अभिभावकलाई अध्यक्ष कुवँर ले आग्रह गरेका छन।
शिक्षा तथा खेलकुद मन्त्रालयले पनि स्थानीय तहसँग समन्वय गरी आवश्यकताअनुसार असोज ९ र १० गते विद्यालय बिदा गर्न आग्रह गरेको छ। मन्त्रालयले नदी, खोला, पहिरो तथा अन्य जोखिमयुक्त स्थानमा बालबालिकालाई जान नदिन अभिभावकलाई अनुरोध समेत गरेको छ।
प्रतिक्रिया ०
सभ्य, विषयसँग सम्बन्धित र जिम्मेवार प्रतिक्रिया लेख्नुहोस्।