बिहीबार, ३ मंसिर २०८३Thursday, 19 November 2026
काठमाडौं १२°काठमाडौं --°

khabarthali

बैतडी बस दुर्घटना: एकको मृत्यु, १० जना घाइते

Manoj Mahara
शेयर गर्नुहोस्:फेसबुकएक्सभाइबरमेसेन्जरटेलिग्रामलिङ्क्डइनइमेल
१ हजार पटक ० १ मिनेट पढाइ
बैतडी बस दुर्घटना:

बैतडी, असार ५ बैतडीको दशरथचन्द नगरपालिका–४, शाहीलेकमा शुक्रबार साँझ यात्रुवाहक बस दुर्घटना हुँदा एक जनाको घटनास्थलमै मृत्यु भएको छ।

धनगढीबाट बैतडी सदरमुकाम आउँदै गरेको सुदूरपश्चिम यातायातको सु.प.प्र. ०१–००१ ख ३६४६ नम्बरको बस साँझ पौने ६ बजे अनियन्त्रित भई सडकबाट करिब ३० मिटर तल खसेको जिल्ला प्रहरी कार्यालय बैतडीले जनाएको छ।

मृतक र घाइतेको विवरण दुर्घटनामा दशरथचन्द नगरपालिका–६ का ३५ वर्षीय वीरेन्द्रबहादुर चन्दको घटनास्थलमै मृत्यु भएको हो।

दुर्घटनामा १० जना घाइते भएका छन्। घाइते हुनेहरूमा:

  • दशरथचन्द न.पा.–४ का: लक्ष्मी ऐर (२७), हेमविक्रम जोशी (८), पूर्णदेवी जोशी (६०), पूजा कार्की (२२) र उनकी छोरी दृष्टि कार्की (३)
  • दशरथचन्द न.पा.–२, देहीमाण्डौंका: ललिता लावड (२०) र जानकी लावड (३२)
  • दशरथचन्द न.पा.–६ की: लक्ष्मी साउँद (३०)
  • दशरथचन्द न.पा.–५ का: कर्णदेव भट्ट (५२)
  • पाटन न.पा.–९, खोड्पेका: कविराज भट्ट (३५)

उपचार र अनुसन्धान जिल्ला प्रहरी कार्यालय बैतडीका प्रवक्ता, प्रहरी निरीक्षक सुरज सिंहका अनुसार घाइतेमध्ये कविराज भट्टलाई थप उपचारका लागि धनगढी रेफर गरिएको छ भने अन्य घाइतेहरूको जिल्ला अस्पताल बैतडीमा उपचार भइरहेको छ।

बसमा चालकसहित १२ जना सवार थिए। बसका चालक पाटन नगरपालिका–८ का ३७ वर्षीय केशवसिंह महरालाई प्रहरीले नियन्त्रणमा लिएको छ। दुर्घटनाको कारणबारे थप अनुसन्धान भइरहेको प्रहरीले जनाएको छ।

जनमत

NPL मा उच्चस्तरीय विदेशी खेलाडीहरूको सहभागिताले नेपाली क्रिकेटमा कस्तो प्रभाव पार्छ?

यो समाचार पढेर तपाईंलाई कस्तो लाग्यो?

कुल ० प्रतिक्रिया

एउटा प्रतिक्रिया छान्नुहोस् · चाहेमा पछि बदल्न सक्नुहुन्छ

लेखक

Manoj Mahara

मनोज महरा खबर थलीको प्राविधिक मेरुदण्ड र सह-निर्देशक हुनुहुन्छ। उहाँसँग वेब पूर्वाधार, डोमेन सुरक्षा, र सर्भर व्यवस्थापनको विशेष विशेषज्ञता छ। वेबसाइटको सुरक्षित सञ्चालन (Uptime Optimization), सुरक्षा, र आधुनिक डिजिटल प्रविधिको प्रयोग गरी न्युज पोर्टललाई प्राविधिक रूपमा सुरक्षित र सबल राख्न उहाँको मुख्य भूमिका रहेको छ।

सबै समाचार (८५)

तपाईंलाई यो पनि मन पर्न सक्छ

प्रतिक्रिया दिनुहोस्

तपाईंको इमेल सार्वजनिक गरिने छैन। * चिन्ह भएका ठाउँ भर्नुहोस्।

कृपया सभ्य र विषयसँग सम्बन्धित प्रतिक्रिया दिनुहोस्। घृणा फैलाउने वा अपमानजनक प्रतिक्रिया हटाइनेछ।