मंगलबार, १ मंसिर २०८३Tuesday, 17 November 2026
काठमाडौं १०°काठमाडौं --°

khabarthali

डिजिटल बैंकिङ ठगीमा बाशुलिङ स्वास्थ्य चौकी प्रमुखको ३ लाख रुपैयाँ चोरी, जिल्ला प्रहरी कार्यालय बैतडीमा उजुरी

हरिशचन्द्र भाट
शेयर गर्नुहोस्:फेसबुकएक्सभाइबरमेसेन्जरटेलिग्रामलिङ्क्डइनइमेल
८४ पटक ० १ मिनेट पढाइ
डिजिटल बैंकिङ ठगीमा बाशुलिङ स्वास्थ्य चौकी प्रमुखको ३ लाख रुपैयाँ चोरी, जिल्ला प्रहरी कार्यालय बैतडीमा उजुरी

बैतडी — डिजिटल बैंकिङमार्फत हुने साइबर ठगीको सिकार बनेका बाशुलिङ स्वास्थ्य चौकीका प्रमुख दलबहादुर बिष्टले दोषीलाई कारबाही गर्न र आफ्नो रकम फिर्ता गराइदिन सम्बन्धित निकायसँग माग गरेका छन्।

बिष्टका अनुसार २०८३ साल जेठ २८ गते मोबाइल प्रयोग गरिरहेका बेला खाताबाट रकम निकालिएको सन्देश प्राप्त भएको थियो। त्यसपछि उनले NIMB Smart एप खोल्न खोज्दा एप सञ्चालन हुन नसकेको र केही समयपछि बैंकमा पुगेर बुझ्दा आफ्नो खाताबाट रु. ३ लाख रकम नितेश कुमार सिंहको नाममा रहेको सानिमा बैंक, इटहरी शाखाको खातामा स्थानान्तरण भएको जानकारी प्राप्त भएको बताए।

घटनापछि आफू आर्थिक तथा मानसिक रूपमा निकै पीडित बनेको बताउँदै बिष्टले जिल्ला प्रहरी कार्यालय बैतडीमा उजुरीसमेत दर्ता गराइसकेको जानकारी दिएका छन्। उनले साइबर अपराधमा संलग्न व्यक्तिहरूको पहिचान गरी कडा कारबाही गर्न तथा पीडितलाई न्याय दिलाउन सरकारसँग आग्रह गरेका छन्।

डिजिटल बैंकिङ सेवा प्रयोग गर्ने सर्वसाधारण नागरिकको रकमको सुरक्षा सुनिश्चित गर्न सम्बन्धित बैंक तथा नियामक निकायहरूले आवश्यक सावधानी अपनाउनुपर्ने उनको भनाइ छ। पछिल्लो समय विद्युतीय माध्यमबाट हुने बैंकिङ कारोबारमा ठगीका घटना बढ्दै गएको भन्दै यस्ता अपराध नियन्त्रणका लागि प्रभावकारी कदम चाल्नुपर्ने आवश्यकता उनले औंल्याएका छन्।

पीडित बिष्टले गृहमन्त्री तथा सुरक्षा निकायप्रति विश्वास व्यक्त गर्दै दोषीलाई कानुनी दायरामा ल्याई पीडितलाई न्याय दिलाइने अपेक्षा गरेको बताएका छन्।

जनमत

NPL मा उच्चस्तरीय विदेशी खेलाडीहरूको सहभागिताले नेपाली क्रिकेटमा कस्तो प्रभाव पार्छ?

यो समाचार पढेर तपाईंलाई कस्तो लाग्यो?

कुल ० प्रतिक्रिया

एउटा प्रतिक्रिया छान्नुहोस् · चाहेमा पछि बदल्न सक्नुहुन्छ

लेखक

हरिशचन्द्र भाट

हरिशचन्द्र भाट खबर थलीका समाचार प्रमुख हुनुहुन्छ। उहाँ समसामयिक घटना, स्थानीय समाचार र युवा सरोकारका विषयहरूमा केन्द्रित रहेर कलम चलाउनुहुन्छ। सत्य तथ्य र सन्तुलित समाचार सम्प्रेषणमा उहाँको विशेष रुचि र दख्खल रहेको छ।

सबै समाचार (२६०)

तपाईंलाई यो पनि मन पर्न सक्छ

प्रतिक्रिया दिनुहोस्

तपाईंको इमेल सार्वजनिक गरिने छैन। * चिन्ह भएका ठाउँ भर्नुहोस्।

कृपया सभ्य र विषयसँग सम्बन्धित प्रतिक्रिया दिनुहोस्। घृणा फैलाउने वा अपमानजनक प्रतिक्रिया हटाइनेछ।