बैतडी — सुर्नया गाउँपालिका–४ फाटिगडास्थित श्री राष्ट्रिय माध्यमिक विद्यालयको विद्यालय व्यवस्थापन समिति (वि.व्य.स.) पुनर्गठन गरिएको छ।
शिक्षा नियमावली, २०५९ को १०औँ संशोधनबमोजिम असोज २२ गते सम्पन्न अभिभावक भेलाबाट नरबहादुर भाटलाई अध्यक्षमा सर्वसम्मत चयन गरिएको हो। समितिको सदस्यमा गौरी कुँवर, लालमती महरा र गोपी लुहार चयन भएका छन्।
त्यस्तै शिक्षक प्रतिनिधिमा सरस्वती चन्द, सदस्य–सचिवमा विद्यालयका प्रधानाध्यापक धनसिंह भण्डारी र सम्बन्धित वडा जनप्रतिनिधि पदेन सदस्य रहने गरी समिति ७ सदस्यीय बनेको छ।
विद्यालयका प्रधानाध्यापक धनसिंह भण्डारीका अनुसार अभिभावक भेलाबाट नयाँ विद्यालय व्यवस्थापन समिति चयन गरिएको हो।
वि.सं. २०१६ साल जेठ ४ गते स्थापना भएको यस विद्यालयमा हाल ३०० भन्दा बढी विद्यार्थी अध्ययनरत छन्। नवनिर्वाचित अध्यक्ष भाटले विद्यालयको शैक्षिक तथा समग्र विकासका लागि सक्दो पहल गर्ने प्रतिबद्धता जनाएका छन्। उनले अभिभावक, शिक्षक तथा सरोकारवालाबाट प्राप्त सुझाव–सल्लाहलाई आत्मसात् गर्दै सहकार्यका साथ अघि बढ्ने बताए।
नयाँ व्यवस्थापन समितिले विद्यालयको शैक्षिक गुणस्तर अभिवृद्धि, व्यवस्थापकीय सुधार तथा भौतिक पूर्वाधार विकासमा प्राथमिकताका साथ काम गर्ने अपेक्षा गरिएको छ।
पाठक प्रतिक्रिया ०