बैतडी — बैतडीको सुर्नया गाउपालिका वडा नम्बर ०४ मा रहेको श्री राष्ट्रिय मा.वि. फाटीगडा मा आज सम्पन्न अभिभावकहरूको आम भेलाबाट ७ सदस्यीय विद्यालय व्यवस्थापन समिति गठन गरिएको छ।
भेलाबाट अभिभावकहरूको तर्फबाट कृष्ण दत्त भट्ट अध्यक्षमा चयन हुनुभएको छ। त्यसैगरी गोपाल सिंह भाट, गौरी कुँवर र माधवी लोहार सदस्यमा चयन भएका बिद्यालय का शिक्षक प्रकाश सिह भाट ले जानकारी दिनुभयो।
विद्यालय व्यवस्थापन समिति कुल ७ सदस्यीय रहने व्यवस्था अनुसार बाँकी ३ जना पदेन सदस्य रहनेछन्। जसमा सम्बन्धित वडाका वडा अध्यक्ष, एक जना शिक्षक प्रतिनिधि तथा विद्यालयका प्रधानाध्यापक सदस्य सचिव रहने प्रावधान रहेको छ।
नवनिर्वाचित समितिलाई स्थानीय अभिभावक तथा सरोकारवालाहरूले बधाई दिँदै विद्यालयको शैक्षिक सुधार, अनुशासन र समग्र विकासमा प्रभावकारी भूमिका निर्वाह गर्ने विश्वास व्यक्त समेत गरेका छन्।
पाठक प्रतिक्रिया ०