बैतडी। बैतडीको सुर्नया गाउँपालिका वडा नं. ४ का चार जना व्यक्तित्व राष्ट्रिय स्वतन्त्र पार्टी (रास्वपा) मा आबद्ध भएका छन्।
रास्वपामा आबद्ध हुनेहरूमा सुर्नया गाउँपालिका वडा नं. ४ का पूर्व वडा सदस्य तथा २०७९ सालको स्थानीय तह निर्वाचनमा नेकपा (एकीकृत समाजवादी) बाट वडा अध्यक्षका प्रत्याशी हरिसिंह महरा, राष्ट्रिय माध्यमिक विद्यालय डबराली फाँटिगडाका पूर्व विद्यालय व्यवस्थापन समिति अध्यक्ष एवं समाजसेवी हरिश बहादुर कुँवर, समाजसेवी अकबिर सिंह महरा र युवा समाजसेवी गणेश सिंह साउद रहेका छन्।
यद्यपि, हरिश बहादुर कुँवर भने यसअघि नै राष्ट्रिय स्वतन्त्र पार्टीमा सक्रिय रहँदै आएको र आज मात्र उक्त विषय सार्वजनिक भएको सुर्नया गाउँपालिका वडा नं. ४ का सभापति बलबहादुर महराले जानकारी दिएका छन्।
नवप्रवेशीहरूलाई पार्टीमा स्वागत गर्दै उनीहरूको आगामी राजनीतिक तथा सामाजिक यात्रा सफल रहोस् भन्ने शुभकामना व्यक्त गरिएको छ।
