बैतडीसहित सुदूरपश्चिममा बिहानैदेखि वर्षा,काटेर राखिएको खर कुहिने चिन्ता

बैतडी । बैतडीसहित सुदूरपश्चिम प्रदेशका अधिकांश जिल्लामा बुधबार बिहानैदेखि वर्षा भइरहेको छ। लगातारको वर्षाले जनजीवन प्रभावित हुनुका साथै किसानहरू चिन्तित बनेका छन्।

विशेषगरी खेतबारीमा काटेर सुकाउन तथा पशुचौपायाका लागि संकलन गरेर राखिएको खर पानीले भिजेर कुहिने डर बढेको सुर्नया ०४ का स्थानिय हरिसिंह महराले बताएका भयो। वर्षा लम्बिँदै गएमा खरमा क्षति पुग्ने र आगामी दिनमा पशुका लागि आवश्यक घाँस व्यवस्थापनमा समेत समस्या हुन सक्ने महराको भनाइ छ।

यस्तै वर्षाका कारण ग्रामीण क्षेत्रमा सडक तथा यातायातमा समेत असर पर्न सक्ने भएकाले सर्वसाधारणलाई आवश्यक सावधानी अपनाउन आग्रह गरिएको छ।