सडक पहुँच नपुगेको दार्चुलाको अपिहिमाल गाउँपालिकाका दुर्गम बस्तीमा विद्युत् विस्तारका लागि हेलिकप्टरमार्फत पोल ढुवानी गरिएको छ। कठिन भौगोलिक अवस्थाका बाबजुद विकट क्षेत्रमा पोल र तार पुर्याएर विद्युत् लाइन विस्तारको कार्य अघि बढाइएको छ।
गाउँमा विद्युत् लाइन पुगे पनि घरहरूमा मिटर जडान नहुँदा स्थानीयवासीले विद्युत् उपभोग गर्न पाएका छैनन्। मिटर जडानमा भइरहेको ढिलाइ हटाएर बाँकी काम छिटो सम्पन्न गर्दै तत्काल विद्युत् सेवा सञ्चालन गर्न स्थानीयले माग गरेका छन्।
बैतडी । दार्चुलाको अपिहिमाल गाउँपालिकाका दुर्गम बस्तीमा विद्युत् विस्तारका लागि हेलिकप्टरमार्फत विद्युत्का पोल ढुवानी गरिएको छ। सडक पहुँच नपुगेका विकट बस्तीमा हेलिकप्टरबाट पोल पुर्याएर विद्युत् विस्तारको काम अघि बढाइएको हो।
दुर्गम बस्तीमा हेलिकप्टरबाटै पोल पुर्याएर विद्युत् लाइन विस्तार भएपछि स्थानीयवासीमा खुसी छाएको छ। लामो समयदेखि विद्युत्को प्रतीक्षामा रहेका स्थानीयका घरआँगनसम्म विद्युत् लाइन पुगे पनि मिटर जडान नहुँदा भने विद्युत् बाल्न पाएका छैनन्।
पोल र तार पुगेपछि अब मिटर जडान हुने र नियमित विद्युत् सेवा सञ्चालन हुने आशामा स्थानीय छन्। तर मिटर जडानमा भइरहेको ढिलाइले भने स्थानीयको उत्साहलाई निराशामा परिणत गर्न थालेको छ।
स्थानीयले विद्युत् विस्तारको बाँकी काम छिटो सम्पन्न गरी घर–घरमा मिटर जडान गरेर विद्युत् सेवा सञ्चालन गर्न सम्बन्धित निकायसँग माग गरेका छन्।
विकट भूगोलका कारण सामान्य अवस्थामा सामग्री ढुवानी गर्नसमेत कठिन रहेको अपिहिमालमा हेलिकप्टरबाट पोल ढुवानी गर्नु विद्युत् विस्तारको चुनौतीपूर्ण पक्ष बनेको छ। यद्यपि, करोडौँको खर्च र कठिन प्रयासपछि लाइन पुगे पनि मिटरकै प्रतीक्षामा स्थानीय बस्नुपर्ने अवस्था अन्त्य गर्नुपर्ने देखिन्छ।
पाठक प्रतिक्रिया ०