हरिशचन्द्र भाट बैतडी:
बैतडीको सुर्नया गाउपालिका ०४ स्थित सन्सेरीमान्डौमा बिसु बिषेश मेला सम्पन्न भएको छ।
नया बर्ष २०८२ को अवसर पारि उक्त ठाउँमा आज मेला लागेको हो।
हरेक वर्ष जस्तै यो वर्ष पनि आज बैषाख १ गते (बिशु-मेला)लाग्ने गरेको सन्सेरीमान्डौ बजारका युबा ब्यबसायी दिनेश महराले बताए।
उक्त मेलामा आफ्ना आफन्त इष्टमित्र संग भेटघाट एक आपसमा दुख सुख साट्ने चलन रहि आएको सन्सेरीमान्डौ बजार ब्यबस्थापन समितीका अध्यक्ष बिरेन्द्र महराले बताए ।
सन्सेरीमान्डौमा लाग्ने बिसु मेला हेर्न सुर्नया लगायत बैतडीका अन्य पालिकाहरु बाट मान्छे आउने गरेका युवा ब्यबसायी दिनेश महराले बताउनु भयो।
हरेक नयाँ वर्षको पहिलो दिन वैशाख १ गतेलाई सुदूरपश्चिमवासीले बिसु पर्वका रुपमा मनाउने गर्दछन् बिसु पर्व मनाउनका लागि घर बाहिर रहेकाहरु फर्कने चलन छ ।
बिसु पर्वमा मिठा–मिठा खानाका परिकार खाने र सिस्नो लगाउने प्रचलन रहिआएको छ । बिसुका दिन सिस्नो लगाउँदा वर्षभरी काम गर्ने क्रममा शरीरमा रहेका सबै प्रकारका विष निस्कृय हुने विश्वास छ ।
वैशाख १ गतेको दिन बिहानै नुहाएर सिस्नो लगाउने प्रचलन रहि आएको छ । यसरी सिस्नो लगाउँदा अघिल्लो वर्ष आफ्नो शरीरमा कुनै रोग लागेको भए त्यसबाट मुक्त भइने र नयाँ वर्षमा जुनसुकै विशालु जीवहरुबाट बचिन्छ भन्ने धार्मिक मान्यता रहीआएको छ।
पाठक प्रतिक्रिया ०