बैतडी । बैतडीको सुर्नया गाउँपालिका–६, मुसरौटे, मोतीनगरमा आयोजना हुने प्रथम सिगास एकता कप जिल्ला स्तरीय खुला पुरुष भलिबल प्रतियोगिताको तयारी तीव्र पारिएको छ।
विजयादशमीको अवसरमा सिगास माध्यमिक विद्यालयका भूपू विद्यार्थीहरूको आयोजनामा असोज २८ देखि ३० गतेसम्म प्रतियोगिता सञ्चालन हुन लागेको हो।
प्रतियोगितालाई व्यवस्थित र भव्य रूपमा सम्पन्न गर्न तयारी तीव्र पारिएको क्लबका पदाधिकारी रघुबिर भट्ट रोज ले बताउभयो।
प्रतियोगितामा प्रथम हुने टोलीले २२ हजार २२२ रुपैयाँ, द्वितीय हुनेले ११ हजार १११ रुपैयाँ र तृतीय हुने टोलीले ६ हजार ६६६ रुपैयाँसहित ट्रफी, मेडल र प्रमाणपत्र प्राप्त गर्नेछन्।
स्थानीय स्तरमा खेलकुदको विकास तथा भलिबल खेलाडीको प्रतिभा उजागर गर्ने उद्देश्यले प्रतियोगिता आयोजना गर्न लागिएको आयोजकले जनाएको छ।
खबरथली डटकम बैतडी
पाठक प्रतिक्रिया ०