बैतडीको सुर्नयामा प्रथम ‘सिगास एकता कप’ खुला पुरुष भलिबल प्रतियोगिता हुँदै

बैतडी । विजयादशमीको अवसरमा बैतडीमा प्रथम ‘सिगास एकता कप’ जिल्ला स्तरीय खुला पुरुष भलिबल प्रतियोगिता आयोजना हुने भएको छ।

सुर्नया गाउँपालिका–६, मुसरौटे, मोतीनगरस्थित सिगास माध्यमिक विद्यालयका भूपू विद्यार्थीहरूको आयोजनामा प्रतियोगिता हुन लागेको हो।

आयोजकका अनुसार प्रतियोगिता २०८३ साल असोज २८, २९ र ३० गते सञ्चालन हुनेछ। खेल बिहान ८ बजेदेखि सुरु हुने जनाइएको छ। प्रतियोगितामा सहभागी हुन चाहने टोलीले असोज २७ गते बिहान १० बजेसम्म टिम दर्ता गरिसक्नुपर्नेछ।

प्रतियोगितामा टिम दर्ता शुल्क रु. ३ हजार ५ सय तोकिएको छ। विजेताले रु. २२ हजार २२२, उपविजेताले रु. ११ हजार १११ र तृतीय हुने टोलीले रु. ६ हजार ६६६ नगदसहित ट्रफी, मेडल र प्रमाणपत्र प्राप्त गर्नेछन्।

प्रतियोगिता नकआउट प्रणालीमा खेलाइने आयोजकले जनाएको छ। प्रतियोगितामा बैतडी जिल्लाबाहिरका खेलाडीले समेत सहभागिता जनाउन सक्ने भए पनि बाहिरका खेलाडी खेलाएको पाइएमा सम्बन्धित टिमलाई प्रतियोगिताबाट डिस्क्वालिफाइ गरिने नियम राखिएको छ।