बैतडी : सामुदायिक विद्यालयहरूबाट अझै पनि विभिन्न शीर्षकमा शुल्क लिइरहेको भन्दै नेविसंघ सुर्नया ले विरोध जनाएको छ । शुक्रबार नेविसंघ सुर्नया का संयोजक जयन्त प्रशाद भट्टको नेतृत्वको टोलीले सुर्नया गाउपालिका को कार्यालयमा ज्ञापनपत्र बुझाएको हो ।
संविधानले सुनिश्चित गरेको निशुल्क शिक्षाको व्यवस्था पूर्ण रूपमा कार्यान्वयन हुनुपर्ने मागसहित ज्ञापनपत्र बुझाइएको संयोजक भट्टले जानकारी दिए ।
सुर्नया धेरैजसो सामुदायिक विद्यालयहरूले विविध नाममा शुल्क लिइरहेका छन् । नियमविपरीत लिइने यस्ता शुल्क रोक्न हामीले सम्बन्धित निकायको ध्यानाकर्षण गराएका हौं संयोजक भट्ट ले भन्नु भयो। ज्ञापनपत्रमार्फत नेविसंघले तत्काल शुल्क लिने कार्य रोकिएन भने आन्दोलनमा उत्रिने चेतावनीसमेत दिएको छ ।
