बैतडी : सुर्नया गाउँपालिका मा खेल मैदान अभावको समस्या झन् चर्किँदै गएको छ।यही बीच, उपाध्यक्ष मन्जु महरा बोहरा ले पालिका स्तरीय राष्ट्रपति रनिङ शिल्ड प्रतियोगिताका क्रममा रौलेश्वर माध्यमिक विद्यालय मा सार्वजनिक रूपमा खेल मैदान निर्माण गर्ने कसम खाएको विषय फेरि चर्चामा आएको छ।
कसम खाएको लामो समय बितिसक्दा पनि मैदान निर्माणतर्फ कुनै ठोस काम सुरु नभएको भन्दै स्थानीय युवाहरू आक्रोशित बनेका छन्। “मञ्चमा कसम खाने, तर जमिनमा काम नदेखिने—यही हो हाम्रो यथार्थ?” भन्दै प्रश्न उठ्न थालेका छन्।
खेल मैदान नहुँदा विद्यार्थी र युवाहरू आधारभूत अभ्याससमेत गर्न नपाउने अवस्था छ। प्रतिभा गाउँमै दबिँदै गएको छ भने खेलकुद गतिविधि कागजमै सीमित हुने खतरा बढेको छ।
