बैतडी साउन ०२ : सेवाग्राहीमैत्री, छिटो, सरल र प्रभावकारी सार्वजनिक सेवा प्रवाहलाई थप सुदृढ बनाउने उद्देश्यका साथ जिल्ला प्रशासन कार्यालयबाट प्रमुख जिल्ला अधिकारीज्यूको नेतृत्व तथा राजनीतिक दलका प्रतिनिधि, सुरक्षा निकायका प्रमुख, सरकारी कार्यालयका प्रमुख/प्रतिनिधि, कर्मचारी, सञ्चारकर्मी, नागरिक समाजका अगुवा तथा सरोकारवालाहरूको सहभागितामा हिजो “One Hour Service” कार्यक्रमको औपचारिक घोषणा गरिएको हो।
यस पहलमार्फत अन्य कार्यालयहरुमा समेत उदाहरणिय हुनुका साथै जिल्ला प्रशासन कार्यालयबाट प्रदान गरिने सेवालाई अझ छिटो, पारदर्शी, उत्तरदायी र सेवाग्राहीमैत्री बनाउने प्रतिबद्धता व्यक्त गरिएको छ।
तोकिएका सेवाहरू आवश्यक कागजात पूरा भएको अवस्थामा एक घण्टाभित्र सम्पन्न गर्ने लक्ष्य सहित “One Hour Service” अवधारणाको कार्यान्वयन २०८३।०४।०१ वाट प्रारम्भ गरिएको छ।
उक्त समयमा इन्टरनेट, सर्भरको समस्याका कारण वा अन्य कुनै कारणबाट सेवा प्रवाहमा ढिलो हुन गएमा सेवाग्राहिसँग माफि समेत माग्ने प्रतिवद्धता गरिएको छ।
