बैतडी : बैतडीको सुर्नया गाउँपालिका–५ हरिचन घर भई हाल कैलालीको गोदावरी नगरपालिका –३ मालाखेती चौकीडाँडा बस्दै आएका पार्वती महरा मडै र उनका दुई जना छोरा उमंग मडै र उत्सव मडै ग्यास लिक भएर आगलागी हुँदा घाइते भएका छन् ।
गएको असोज २८ गते बेलुकी खाना पकाउने क्रममा ग्यास लिक भएर आगलागी भएको घाइते पार्वतीका श्रीमान हरिसिंह मडैले बताए । आगलागीबाट घाइते भएका पार्वती र उत्सवको अहिले काठमाण्डौंस्थित किर्तीपुर बर्न अस्पतालमा आइसियुमा राखेर उपचार भइरहेको छ ।
सोही दिनको आगलागीमा घाइते भएका १० बर्षीय उमंग मडैको भने धनगढीस्थित मायामेट्रो अस्पतालमा उपचार भइरहेको र घाइते दुईजनाको बर्न अस्पताल काठमाण्डौ मा उपचार भइरहेको र आर्थिक अभाव रहेकाले सहयोगका लागि अपिल गरिएको छ ।
आगलागीबाट घाइते भएका पार्वतीका श्रीमान अहिले रोजगारीको सिलसिलामा दुबइमा रहेका छन् । आर्थिक अवस्था निकै कमजोर रहेकाले उपचारका लागि सहयोग गरिदिन मडैले सबैमा आग्रह समेत गरेका छन् । उनले भने, ‘मेरो घर परिवारका तीनै जना आगलागीबाट घाइते भएका छन् । मनकारी सबैलाई उपचारमा सहयोग गरिदिन अनुरोध गर्दछु ।’
रोजगारीको सिलसिलामा दुबइ रहेका उनले समस्या परेको बेला समेत घर आउन नपाएको बताएका छन् । यो समयमा गरेको सहयोग कहिले नभुल्ने बताउँदै उनले श्रीमती र छोरोको प्राण रक्षाका लागि सहयोग गरिदिन अनुरोध गरेका छन् । उनले भने, ‘म यहाँ पनि मजदुरी गर्ने मानिस हुँ । मेरो घरमा अकल्पनीय घटना भएको छ । मनकारी सबै व्यक्तिहरुलाई सहयोगका लागि अनुरोध गर्दछु ।’
पार्वती महरा मडै र उनका छोराहरुको उपचारका लागि अहिले सहयोग अभियान सञ्चालन भइरहेको छ । उक्त अभियानमा मनकारीहरुले सहयोग गरिरहेका र अरुलाई समेत सहयोगका लागि अपिल गरिएको अभियान्ता विशाल भट्टले बताए । सबैको स–सानो सहयोगले घाइते पार्वती र उनको छोराहरुको जीवन रक्षा हुने भएकाले सहयोगका लागि उनले सबैमा आग्रह गरेका छन् ।
सहयोग गर्ने महानुभावहरुले तलको खाता नम्बरमा रकम जमा गर्न सक्नेछन्
Name: – Parwati Mahara
A/C Number :- 00300800448332000001
Bank name :-Mahalaxmi Bikash Bank
Name :- Hari Singh Madai
A/C Number :-170229240100010
Bank Name: Prabhu Bank
भारतबाट सहयोग गर्न चाहने महानुभावहरुले निम्न खाताबाट सहयोग गर्न सक्नुहुनेछ ।
