हरिशचन्द्र भाट
बैतडी, ७ जेष्ठ: बैतडीको सुर्नया गाउँपालिकाको आर्थिक अनुशासनमा गम्भीर प्रश्न उठ्ने गरी बेरुजुको मात्रा बढ्दो क्रममा देखिएको छ।
हालसम्म गाउँपालिकाको बेरुजु २१ करोड २९ लाख ४० हजार रुपैयाँ पुगेकोमा, चालु आर्थिक वर्ष २०८०/ ८१ मा थप १ करोड ५७ लाख ४४ हजार रुपैयाँ बेरुजु देखिएको छ।
यससँगै गाउँपालिकाको कुल बेरुजु रकम २२ करोड ८६ लाख ८४ हजार रुपैयाँ पुगेको हो। यो रकम खर्च भएपनि त्यसको लेखा परीक्षणमा स्पष्ट विवरण नभेटिएपछि बेरुजुमा सूचीकृत गरिएको हो।
स्थानीय सरकारको पारदर्शिता, जवाफदेहिता र वित्तीय अनुशासनमा प्रश्न उठाउने गरी बढिरहेको बेरुजुले सुशासनप्रति जनताको विश्वास घटाउँदै लगेको स्थानीयले बताएका छन्।
आर्थिक वर्षको अन्त्यतिर आउँदै गर्दा स्थानीय तहमा देखिएको यस्ता वित्तीय अनियमितता सुधार गर्न स्थानीय सरकार, लेखा परीक्षण कार्यालय तथा सरोकारवाला निकायले गम्भीर ध्यान दिनुपर्ने देखिएको छ।
