बैतडी । बैतडी र दार्चुलाको सीमाक्षेत्रमा पर्ने डिलासैनी गाउँपालिकाको हरिनगर खेलमैदानमा बुधबार सुदूरपश्चिम रोयल्सको ट्यालेन्ट हन्ट सम्पन्न भएको छ।
ट्यालेन्ट हन्टमा बैतडी र दार्चुलाका करिब ६० जना युवा क्रिकेट खेलाडी सहभागी भएका थिए। खेलाडीहरूको प्रतिभा तथा प्रदर्शन मूल्यांकन गर्दै उत्कृष्ट खेलाडीलाई आगामी चरणका लागि छनोट गरिने जनाइएको छ।
ट्यालेन्ट हन्टबाट बैतडी र दार्चुलाबाट करिब ५/६ जनासम्म खेलाडी अर्को चरणमा जाने सम्भावना रहेको क्रिकेट संघ बैतडीका सदस्य तथा बैतडीबाट प्रतिनिधिका रूपमा खटिएका दिनेश चन्दले जानकारी दिए।
स्थानीयस्तरमा रहेका प्रतिभावान् खेलाडी पहिचान गरी अवसर प्रदान गर्ने उद्देश्यले सुदूरपश्चिम रोयल्सले ट्यालेन्ट हन्ट सञ्चालन गरेको हो।
जनमत
