हरिशचन्द्र भाट
बैतडी : बैतडीको जिप दुर्घटना हुँदा तीन जनाको घटनास्थलमै मृत्यु भएको छ ।
मृत्यु हुनेमा सिगास गाउँपालिका १ बस्ने २४ बर्षीय निसान्त बोहरा, सिगास कै २८ बर्षीय भान देव भट्ट, डडेल्धुराको आलिताल गाउँपालिका ३ बस्ने १३ बर्षका राकेश रावल रहेको प्रहरीले जनाएको छ ।
पाटन नगरपालिका ८ को विजयपुर नजिकै झैलेक भिरमा सुर्नया गाउँपालिका-६ को मोतिनगरबाट डडेल्धुरातर्फ जादै गरेको म १ ज २२४ नम्बरको जिप आज बिहान करिब १० बजेको समयमा दुर्घटनामा परेको हो ।
हरिशचन्द्र भाट
बैतडी : बझाङको केदार स्यु गाउपालिका –१ का पुर्ण मल्लले छोरिको सम्झनामा सामुदायिक विद्यालयमा अक्षय कोष स्थापना गरेका छन् । मल्लले केदारस्यु गाउपालिका –१ स्थित गर्जेपानी माविमा आकांक्षा स्मृति अक्षय कोष स्थापना गरेका हुन्।
उनले छोरि को सम्झनामा ५० हजार रुपैँया बराबरको अक्षय कोष स्थापना गरेका हुन् । मल्लले विद्यालयको ६५ औँ वार्षिकोत्सव कार्यक्रममा उक्त रकम बराबरको चेक हस्तान्तरण गरेका थिए। पुर्ण मल्ल उक्त विद्यालयमा कार्यरत शिक्षक समेत हुन।
असाहय, आर्थिक अवस्था कमजोर भएका तथा जेहेन्दार विद्यार्थीलाई छात्रवृत्री प्रदान गर्न आफूले स्वर्गीय छोरीका नाममा विद्यालयमा अक्षय कोष स्थापना गरेको मल्लले बताए।
पढाईमा मेहेनती आकांक्षाले गत बर्षको एसईई को परीक्षा बिग्रिएको भन्दै आत्महत्या गरेकी थिएन।
हरिशचन्द्र भाट
बैतडी सुर्नया : बैतडीको सुर्नया तडीगाउँमा खुल्ला पुरुष भलिबल प्रतियोगिता सम्पन्न भएकाे छ।
सुर्नया गाउँपालिका वडा नं. ३ मा रहेको बासुदेव आधारभूत विद्यालय र बासुलिङ युवा क्लब तडीगाउँको संयुक्त आयोजनामा बुधबारदेखि सञ्चालित प्रतियोगिता विहिवार सम्पन्न भएको हो।
सम्पन्न खुल्ला पुरुष भलिबल प्रतियोगितामा किङ काेइला प्रथम भएकाे छ । प्रथम स्थान हासिल गरेकाे किङ काेइलाले नगद ९ हजार ट्रफि मेडल र प्रमाणपत्र हात पार्न सफल भएकाे छ ।
यस्तै केदारमा मावि कठमडा द्वितीय भएकाे छ । उसले नगद ४५ सय ट्रफि मेडल र प्रमाणपत्र प्राप्त गरेकाे छ ।
यस्तै तितृय स्थान जेनजी युनियनले प्राप्त गरेकाे छ । उसले नगद २५ सय ट्र्फि मेडल र प्रमाणपत्र प्राप्त गरेकाे आयाेजकले जनाएकाे छ ।
विद्यालय व्यवस्थापन समितिका अध्यक्ष भानदेव भट्टकाे सभाध्यक्षतामा सम्पन्न कार्यक्रममा विभिन्न संघ संस्थाका पदाधिकारी, सुर्नया गाउँपालिकका कर्मचारी , शिक्षक, खेल प्रेमि अभिभावक र स्थानीयहरुकाे सहभागीता रहेकाे थियाे ।
प्रतियोगितामा आयाेजक सहित आठ टिमको सहभागिता रहेको थियाे ।
उत्कृष्ट प्रदर्शन गर्ने खेलाडी र खेल सञ्चाल गर्नमा सहयाेग गर्ने व्यक्तिहरुलाई पनि सम्मान पत्र बाट सम्मान गरिएकाे हाे ।
सबै सहयाेगि दाताहरुकाे सहयाेगमा भलिबल प्रतियोगिता गर्न सफल भएका क्लवका पदाधिकारी दिपेश भट्टले बताए ।
आयोजकका अनुसार खेलकुदमार्फत युवामा अनुशासन, आपसी सद्भाव र स्वस्थ प्रतिस्पर्धाको भावना विकास गर्ने उद्देश्यले प्रतियोगिता आयोजना गरिएको हो।
